बंध लग्नाचे
भांडण तंटा करूनीदेखील
दोन शब्द ते प्रेमाचे,
जन्मभराची गाठ अशी हे
अद्भुत नाते लग्नाचे
तू तू मी मी करूनीदेखील
शेवट याचा गोडच हो,
आयुष्याची मजाच यामध्ये
खरा आनंद यातच हो
विश्वासाचे नाते हे तर
सुखदुःखाने भरलेले,
साथ देऊनी हसत जगावे
क्षण संसारिक उरलेले
हळूहळू क्षण पुढे सरकती
तसे हे नाते दृढच होते,
वीण ही होते घट्ट हो त्याची
अर्थ जीवनास देऊन जाते
✒ K. Satish
Comments
Post a Comment