काळाची आली सत्ता
काय बघा परिस्थिती आली
सारी दुनिया हतबल झाली,
मृत्यूने थैमान मांडले
काळाची हो सत्ता आली
आज जो दिसला, हसला बोलला
उद्या अचानक संपून गेला,
काय चालले कळेचना मज
जीव का इतका स्वस्त हो झाला
वयाची ती मर्यादा संपली
तरूणाई मृत्यूने जखडली,
आधारस्तंभ होती जी मंडळी
आधार सोडूनी निघून हो गेली
आयुष्य झिजवूनी कमावलेले
सत्ता, प्रसिद्धी, पैसा अडका,
उपभोगाविन इथेच राहिले
झिजणार्यांना असे हा धक्का
नाही भरवसा या जीवाचा
क्षण आनंदी उपभोगावे,
प्रफुल्लित ठेवूनी मनाला
मरण्याआधी जगूनी घ्यावे
✒ K. Satish
Comments
Post a Comment