स्वयंपाकघर

पोटासाठी धडपड नुसती

कष्ट करी मानव त्यासाठी,

भूक भागण्या अन्न हवे अन्

हवे ते सुदृढ शरीरासाठी 

स्वयंपाकघर म्हणजे असते

राजमहल हो अन्नासाठी,

असते येथे हक्काची जागा

धान्य, मसाले ठेवण्यासाठी 

अन्नपूर्णेचे अस्तित्व येथे

विद्यापीठ हे पाककलेचे,

स्त्री जगते येथे हर्षाने

क्षण निम्मे तिच्या आयुष्याचे 

घरात असते हीच ती जागा

जल, अग्नि अन् वायुसाठी,

येथेच सजते पूजाघरही

छोट्या गरीब कुटुंबासाठी 

अन्नपूर्णा इथे बनवी हो

पाककृती किती निरनिराळ्या,

मग खाऊ घाली सर्वांना

अन् मिळवी कौतुकाच्या टाळ्या 

गरीब असो वा असो धनवान तो

प्रत्येकाची भूक भागवती,

घरातील एक पवित्र ठिकाण हे

स्वयंपाकघर त्याला हो म्हणती

✒ K. Satish